Esixen máis seguridade nas tres rotondas monfortinas do novo corredor

• O grupo socialista no Parlamento de Galicia demandou ao Executivo unha mellora «imprescindible» na seguridade viaria nas rotondas oeste, centro e norte de acceso a Monforte dende a nova vía de altas prestacións Monforte-Lugo.

O pasado 4 de febreiro, o deputado socialista Vicente Docasar defendeu unha proposición non de lei na Comisión de Ordenación Territorial do Parlamento para acadar do Goberno as medidas oportunas que resolvan esta situación. Docasar argumentou a súa petición de máis seguridade «para acoller o constante incremento do tráfico que entra en Monforte, principal vía de conexión entre Lugo e Ourense», sobre todo despois da posta en servizo do novo tramos do corredor.

Neste sentido, as medidas que reclaman os socialistas céntranse na mellora da seguridade e na dotación do alumeado nas tres rotondas para afrontar a alta densidade de tráfico e as frecuentes néboas invernais. Docasar apuntou que a rotonda norte será a vía de conexión habitual co Porto Seco, e a rotonda centro dá acceso ao mercado gandeiro e ao Hospital Comarcal. Asimesmo, o deputado socialista reclamou «atención especial» á rotonda oeste, xa convertida na vía natural de entrada á cidade e onde conflúe o tráfico procedente de Lugo, Ourense, Santiago, Lalín e Chantada. De aí que Docasar reclame alumeado, beirarrúas e sinalización na coñecida como «Carretera de Chantada», tramo que abrangue dende a rotonda oeste ata a rotonda do Hórreo na ronda Emilia Casas.

Docasar reclamou o apoio do Partido Popular, xa que os termos da proposta socialista coinciden coa presentada polos populares unhas semanas despois de ter rexistrada os socialistas dita proposición.•

 

Deixa unha resposta

Your email address will not be published.

Nova Anterior

A adega chantadina Vía Romana acada o selo de Galicia Calidade

Seguinte Nova

Medra nun 1,6% o número de empresas TIC de Galicia

Últimas noticias sobre INFRAESTRUTURAS

A %d blogueros les gusta esto: