•A conselleira de Medio Rural visitou a adega soberina A Man de Prado

• O pasado 9 de febreiro, a conselleira de Medio Rural, Ángeles Vázquez, acompañada pola delegada da Xunta en Lugo, Raquel Arias, visitou a adega soberina A Man de Prado, para coñecer o resultado das axudas do Plan Leader recibidas por esta empresa.

AXUDA PARA A CREACIÓN DA ADEGA

Según explicaron os responsables da Consellería, esta adega soberina foi beneficiaria de dúas axudas no marco do Plan Leader 2007-2013, xestionadas polo Grupo de Desenvolvemento Rural (GDR) Ribeira Sacra. Por unha banda, a firma contou cunha achega de máis de 194.000 euros para a creación da adega e o seu acondicionamento.

ACHEGA PARA FACER UN VIVEIRO DE VIDES AUTÓCTONAS

Por outro lado, a empresa dispuxo dunha subvención, tamén do Plan Leader, por valor de preto de 45.000 euros, para a creación dun viveiro con vides autóctonas da Ribeira Sacra que contribuíse á recuperación das variedades tradicionais brencellao, merenzao, caíño, souson e garnacha.

O PLAN LEADER CONSOLIDOU PRETO DE 5.000 EMPREGOS NO RURAL

Durante a súa visita á adega soberina, Ángeles Vázquez explicou que o Plan Leader 2007-2013 supuxo unha axuda pública para un total de 2.183 proxectos relacionados co desenvolvemento rural. O importe das subvencións totais concedidas foi de 91,7 millóns de euros, que supuxeron un investimento inducido de 226 millóns. Vázquez apuntou tamén que grazas a esta inversión foi posible consolidar preto de 5.000 empregos e crear preto doutros 1.000 máis no seu período de vixencia, que se prolongou ata o ano 2015.

NOVAS AXUDAS

A titular autonómica adiantou a aprobación das bases para o novo Plan Leader 2014-2020, que ten como obxectivo «seguir mellorando a calidade de vida no rural creando emprego e riqueza».