Monforte reciclou máis vidro e menos roupa usada en 2015

• O Concello de Monforte deu a coñecer o balance da recollida de residuos correspondente ao 2015. O máis destacado foi o aumento no depósito de aceite doméstico e de vidro para a súa reciclaxe. O vidro para reciclar medrou en 8 toneladas respecto a 2014, mentres que a subida foi máis pequena no caso do aceite doméstico, que pasou de 5,03 a 5,33 toneladas.  Outro dato significativo ten que ver coa recollida de roupa usada, que descendeu de 35 a 23 toneladas. Por último, cabe destacar o aumento na recollida de residuos urbanos, que medrou en 22 toneladas respecto a 2014.•