Novas actividades en Quiroga para o mes de febreiro

• O Concello de Quiroga desenvolverá este mes novas actividades para diversos colectivos.

OCIO SAUDABLE PARA MAIORES

Por unha banda, o mércores 24 de febreiro iniciarase o programa «Ocio saudable» para maiores, que se desenvolverá no Balneario de Augas Santas en Pantón, organizado pola Área de Cultura do Concello de Quiroga.

CHARLA SOBRE LACTANCIA O SÁBADO 27

Asimesmo, o sábado 27 de febreiro, a Área de Educación e Infancia do consistorio quirogués organiza unha charla sobre lactancia materna, dentro do Proxecto Primeira Infancia.

CONTACONTOS EN INGLÉS OS SÁBADOS

Para os máis cativos, os sábados a partir do 13 de febreiro serán o día dos Contacontos en inglés, actividade organizada pola Área de Educación e Infancia.

Ademais destas novidades, o Concello de Quiroga segue a ofrecer as habituais actividades ao longo de toda a semana. Os bailes no Centro Social ocupan a xornada dos domingos, e os sábados énchense coas competicións nas diversas modalidades deportivas, e as clases de pintura. O venres é a cita co ioga e as actividades de relaxación, e do curso de estimulación cognitiva, que tamén se imparte os luns e mércores.

Os luns é a quenda do programa «Espazos en familia» e do taller de memoria. As clases de aerobic son os luns e mércores.•