• Os días 12 e 13 de marzo, a vila de Sarria vai acoller un Encontro Internacional organizado por Fraternidad Internacional del Camino de Santiago (FICS). Según explicou Carmen Pugliese, presidenta de FICS, a decisión de organizar esta xuntanza tomouse o pasado mes de decembro, logo da última asamblea da FICS en Tui, e tendo en conta «os problemas que afectan á peregrinación xacobea tradicional». A elección de Sarria como sede do Encontro baseouse, según Pugliese, nunha doble motivación. Por unha banda, para rendir homenaxe a Elías Valiña, «gran sarriao de dimensión universal, e pai do renacemento do Camiño nos tempos modernos». Por outra banda, Pugliese explicou que Sarria é un lugar «onde o debate e as nosas propostas fanse máis necesarias, dados os problemas actuais que a ninguén se lle ocultan», e para «defender con valentía a peregrinación xacobea».
Dende a FICS convocan a todos os axentes culturais, políticos e sociais a participar neste encontro, centrado na defensa da peregrinación tradicional a Compostela e os seus valores. Algunhas das cuestións que adiantaron dende a FICS versarán sobre a masificación do Camiño e a súa confusión co turismo «na súa peor acepción», entre outros temas.•
Cargando ...
