• O programa de visitas externas do CPR Ferroviario ofreceu este mes de febreiro un achegamento á empresa e á creatividade. O alumnado de 2º e 3º ESO do Colexio Ferroviario desprazouse ata as instalacións da empresa monfortina Ramiro Vila S.L., para coñecer in situ o proceso de deseño e fabricación de maquinaria industrial que desenvolve esta firma. Durante toda a visita, estiveron acompañados do responsable da empresa, Carlos Vila, que atendeu todas as dúbidas planteadas polos escolares.
Tamén en febreiro, o alumnado de 4º ESO achegáronse á capital provincial para visitar a Escola de Imaxe e Son da Fundación TIC. Deste xeito, os rapaces e rapazas puideron coñecer de cerca as características dunha opción formativa máis dentro do abano de estudos posteriores ao Bacharelato.•
