• A segunda fin de semana de marzo será a data do Encontro Internacional que organiza a FICS (Fraternidade Internacional del Camino de Santiago). O sábado día 12 os actos celebraranse en Sarria, e o domingo 13 a actividade desprazarase a Samos. A primeira xornada iniciarase pola mañá cun roteiro guiado polos monumentos máis representativos de Sarria, partindo ás 10,30 do Mosteiro da Magdalena. Pola tarde, a Casa da Cultura acollerá o debate de diversos temas, como a petición de ampliar a Compostela a 300 quilómetros, excluír o Camiño da xestión de Turismo por parte das Administracións, ou unificar os regulamentos dos albergues, entre outras propostas.
Xa o domingo, a xornada comezará cunha visita á exposición «Silencio: el Monacato en los orígenes del Camino». A actividade centrarase na inauguración da exposición permanente de «compostelas» históricas cedida polo investigador Fernando Lalanda. A continuación, o prior do mosteiro, don José Luis Vélez, dará a benvida aos participantes no Encontro, que iniciarán a segunda sesión de traballo, esta vez en torno á credencial do peregrino.
As persoas interesadas en participar poden anotarse en info@ficscaminodesantiago.com.•
Cargando ...
