• O sindicato UGT-Lemos sumouse á campaña de recollida de sinaturas que este sindicato desenvolveu a nivel nacional para presentar unha Iniciativa Lexislativa Popular (ILP) en favor de axudas para familias sen recursos. Entre os días 15 e 16 de febreiro, a formación sindical monfortina recolleu máis de 2.000 firmas, entre as accións a pé de rúa, nos centros de traballo e na sede sindical. O secretario xeral de UGT-Lemos, Mario Docasar, cualificou de «moi positiva» a receptividade dos monfortinos, xa que durante as oito horas que permaneceu instalada a mesa de sinaturas na rúa Cardeal firmaron máis de 450 persoas, o que supuxo unha media de «unha firma por minuto».
A finalidade desta Iniciativa Lexislativa Popular é a creación dunha nova prestación que amplíe a acción protectora da Seguridade Social, para garantir uns ingresos que permitan atender as necesidades das persoas desempregadas e dos seus familiares.
Según explicou Docasar, esta axuda de 426 euros beneficiaría a 1.662 parados das comarcas de Lemos, Chantada e Quiroga que non teñen ningún tipo de ingreso e se atopan en risco de exclusión social.•
