1,5 millóns en axudas para accesos e sinalización turística no medio rural

A directora de Turismo de Galicia, Nava Castro, presentou as axudas para mellora de accesos e sinalización turísticas no medio rural, o pasado 26 de febreiro. GPTG.
A directora de Turismo de Galicia, Nava Castro, presentou as axudas para mellora de accesos e sinalización turísticas no medio rural, o pasado 26 de febreiro. GPTG.

• Este mes presentouse o plan de axudas que a Xunta, a través de Turismo de Galicia, vén de lanzar para mellorar os accesos e a sinalización turísticas no medio rural. Según explicou a directora de Turismo de Galicia, Nava Castro, estas subvencións destinadas aos concellos suporán un investimento global de 1,5 millóns de euros. Estas achegas inclúen melloras da accesibilidade física e a sinalización de recursos turísticos do medio rural coma os espazos naturais, miradoiros e rotas de sendeirismo, praias marítimas e fluviais e Bens de Interese Cultural. Como concretou Nava

SINALIZACIÓN TRADICIONAL E TAMÉN CON NOVAS TECNOLOXÍAS

Castro, os concellos poden acollerse a estas subvencións para unha amplia lista de obras: construción, ampliación ou mellora de aparcamentos para acceso aos recursos turísticos; construción de pasarelas, ramplas e eliminación de barreiras arquitectónicas, ou de aseos adaptados para persoas con diversidade funcional; colocación de nova sinalización en estradas, instalación de paneis interpretativos, tanto tradicionais, como con novas tecnoloxías; implantación de ferramentas tecnolóxicas como aplicacións para teléfonos intelixentes, códigos QR, tecnoloxía NFC ou audioguías; ou colocación de postes e outros elementos consonte os criterios de homologación de sendeiros e os específicos dos centros BTT de Galicia.

Nava Castro lembrou que o ano pasado foron 103 os municipios que se beneficiaron destas axudas.

ESPERTAMONFORTE PIDE QUE MONFORTE OPTE ÁS AXUDAS

Unha vez publicadas as axudas no Diario Oficial de Galicia, o grupo municipal de Espertamonforte instou ao Goberno local a solicitar estas achegas. Esta formación política presentara no último Pleno unha moción para que o Concello publicara na web municipal un listado dos recursos naturais e patrimoniais do eido rural. Según Espertamonforte, o Goberno local argumentou a dificultade de contar con recursos económicos para este tipo de actuacións. A formación cidadá insta ao
Concello a solicitar as axudas, que nalgúns casos supoñen o 100% do financiamento.•

 

Deixa unha resposta

Your email address will not be published.

Nova Anterior

A mediados de marzo rematan varios prazos de permisos e axudas da Xunta

Seguinte Nova

Emprendemento e cultura danse a man no IES A Pinguela

Últimas noticias sobre INFRAESTRUTURAS

A %d blogueros les gusta esto: