• Dende a Consellería do Medio Rural lembraron que este mes rematan os prazos para a xestión de permisos e axudas vinculados coa actividade económica no sector primario. En canto ao sector vitivinícola, o 15 de marzo acaba o periodo de solicitude de autorizacións para novas plantacións, replantacións e conversión de dereitos de plantación de viñedos en autorizacións. A Consellería desenvolveu o mes pasado en Monforte unha sesión informativa para dar a coñecer os detalles desta nova regulamentación das Denominacións de Orixe.
AXUDAS PARA NOVAS EXPLOTACIÓNS AGRARIAS
En relación ás explotacións agrícolas, ata o 18 de marzo pódese optar ás axudas para apoio aos investimentos nas explotacións agrícolas, para a creación de empresas para os agricultores mozos, e para a creación de empresas para o desenvolvemento de pequenas explotacións. Técnicos de Medio Rural desprazáronse recentemente ás instalacións da cooperativa ICOS de Chantada para informar sobre as características destas axudas, ás que a Xunta destina un importe global de 57,5 millóns de euros.•
Cargando ...
