•A Casa da Xuventude de Chantada acolleu en marzo a primeira sesión de Teatro Lido que se desenvolve na vila do Asma. A representación estivo a cargo do grupo Argalleiras Teatro, coordinadas por Paqui Abeledo, e versou sobre o papel das mulleres ao longo da Historia. A actividade xunguiu mulleres e teatro para dar visibilidade aos logros femininos nos eidos culturais e sociais a través do tempo, con mencións a persoeiras significativas da nosa historia.
A fórmula escollida nesta ocasión foi o teatro lido, que busca promover a interpretación oral e a potencialidade dramática dos actores e actrices, ao tempo que deixa voar a imaxinación dos espectadores. (Fotos cedidas).•
