•O pasado 20 de marzo, as instalacións do Club de Golf Río Cabe de Monforte acolleron a segunda proba do ranking galego de pitch&putt, e que rematou con dobre victoria local.
REÑONES, GAÑADOR SCRATCH
Por unha banda, o gañador scratch foi o xogador monfortino José Ángel Pérez Reñones, que firmou un excelente resultado de 51 golpes. Dende a Federación Galega de Golf lembran o amplo palmarés de Reñones, que en 2015 alzouse como vencedor da final do ranking nacional de pitch&putt, e tomou parte no equipo español que gañou o Open de Praga nesta modalidade. Ademais, Reñones foi Campión de España Senior en 2014, e Campión de España Absoluto en 2008.
O segundo posto foi para o local Juan Rodríguez Ferreiro, con 56 golpes, e no terceiro empataron con 57 golpes Enrique Rama, de Barbanza, e o local Eduardo Varela Puga.
Ademais, Varela foi gañador handicap, logo de empatar a catro con Rama, Fernando Rodríguez e José Luis Sánchez.•
