•O Círculo Recreativo de Chantada acolleu, un ano máis, o XII Torneo de Dominó Concello de Chantada, o sábado 9 de abril, cunha participación de preto dun cento de xogadores, procedentes de toda Galicia e mesmo de Asturias.
O torneo disputouse en sete rondas polo sistema suizo de clasificación, con partidas a 350 puntos ou a 55 minutos, competidas tanto en parellas como por equipos. O evento contou coa colaboración de varias firmas comercias da vila do Asma.
UNHA OLLADA AOS APELIDOS CHANTADINOS DO SÉCULO XVI AO XIX
Na mesma xornada do sábado día 9, a Irmandade Cultural País do Faro organizou a conferencia titulada «Con nome propio. Onomástica da comarca de Chantada nos séculos XVI-XIX», impartida pola historiadora Tamara González López.
Según explicaron dende a organización, este evento está integrado no ciclo sobre a historia de Chantada que a Irmandade Cultural País do Faro está a desenvolver ao longo dos últimos tres anos.•
