• A comezos deste mes, o patrón da Fundación TIC, Álvaro Santos, deu a coñecer os 27 cursos e obradoiros que integran a programación do InLugo, que ten como obxectivo achegar aos nosos maiores ao mundo das novas tecnoloxías. Este programa ofrece 311 prazas gratuítas para lucenses de máis de 55 anos. O Centro de Innovación Tecnolóxica InLugo está xestionado pola Fundación TIC a través dunha encomenda da Deputación de Lugo.
Según explicou Santos, a programación está deseñada en base ás peticións dos propios usuarios, para achegar aos maiores as vantaxes das novas tecnoloxías, «desde o manexo básico do ordenador, smartphone ou tablet, ata o uso das videoconsolas Wii e Xbox para estimular as capacidades cognitivas e funcionais, pasando por aprender a navegar por Internet e empregar app tan populares como Whatsapp, que lles permiten estar en contacto con amigos e familiares».
ABERTO O PRAZO DE INSCRICIÓN
Aínda que a programación se puxo en marcha o día 5 de abril, segue aberto o prazo para moitos dos cursos do InLugo. As inscricións poden realizarse a través de www.fundaciontic.org e www.deputacionlugo.gal ou no teléfono 982 225 186.
