• O venres 15 de abril, a Sociedade Filarmónica de Monforte organiza unha nova audición, dentro do seu calendario anual de eventos. Nesta ocasión, a protagonista será a intérprete monfortina Rosa Cedrón, acompañada por Miguel Arthus e Javier Cedrón. O concerto terá lugar a partir das 20,15 horas na Casa da Cultura Poeta Lois Pereiro de Monforte.
REPERTORIO
O programa que interpretarán Rosa Cedrón, Miguel Arthus e Javier Cedrón integra unha ampla variedade de estilos. A música tradicional, por unha banda, estará presente en «Romeiro ao Lonxe», a peza que abrirá o concerto, «Macedonia» ou «Camariñas». O repertorio da noite do 15 de abril inclúe tamén a letra de grandes poetas, como Federico García Lorca, no tema «Chove en Santiago», e creacións máis actuais, como «Unha e outra vez», de Cindy Lauper e Robert Andrew.
CEDRÓN PUBLICA O SEU SEGUNDO DISCO EN SOLITARIO
Logo dunha exitosa traxectoria con Luar na Lubre, Rosa Cedrón continúa a súa carreira en solitario, coa recente publicación do seu segundo disco, «Nada que perder».•