• O 25 de abril comezará no Museo Etnográfico de Quiroga o V Curso de Tecido Tradicional, que conta cun total de 40 horas lectivas. Esta actividade desenvolverase todos os luns e mércores de 18 a 20 horas, ata o 29 de xuño.
O curso será impartido pola tecedeira de Visuña Carme Barreiro Díaz, que iniciará aos participantes nas técnicas milenarias do tecido, aproveitando as pezas do sector téxtil que se foron recollendo e rehabilitando pola zona quiroguesa dende 2007. A inscrición é de 20 euros, e o prazo remata o propio 25 de abril.•