AXENDA CULTURAL DA PRIMEIRA QUINCENA DE MAIO

SERÁNS CULTURAIS 2016.

MONFORTE: Mércores 11 Maio, 18,00 h., Casa da Cultura Poeta Lois Pereiro. «Canta o Cuco. Magín e Uxía cantan a Manuel María». Esta é a interpretación que dous experimentados creadores vinculados á música infantil, Uxía e Magín Blanco, fan dos poemas de Manuel María para os nenos e nenas do século XXI, incorporando músicas tradicionais ou elementos do pop e rock, pasando por melodías de tango e música cubana, e melodías de cantautor. A creación escénica corresponde a Inacio Vilariño, da compañía Fantoches Baj.

CHANTADA: Sábado 14 Maio, 18,00 h., Auditorio Municipal. Zanfoneiros/as da Tradescola. Un grupo de máis de dez alumnos e alumnas da Tradescola, xunto co seu mestre Luis O Caruncho, ofrecerán un espectáculo de zanfona ao xeito tradicional, cun repertorio baseado no legado do recuperador da zanfona Faustino Santalices.

O INCIO: Sábado 14 Maio, 20,00 h., Praza do Concello. Lucecús Teatro, «A verdadeira historia do poeta Manuel de Paderna». A partir dos textos de Manuel María, os Lucecús constrúen a curiosa e divertida historia deste máxico personaxe. Alguacil e barbeiro, Manuel de Paderna posuía un enfeitizo poético inusual, que facía parar as augas dos ríos e mesmo, según dicían, os paxaros calaban para escoitar as súas verbas.

SARRIA: Luns 16 Maio, 18,00 h., Casa da Cultura. «Canta o Cuco. Magín e Uxía cantan a Manuel María».

LER CONTA MOITO.

O SAVIÑAO: Venres 6 Maio, 18,00 h., Biblioteca Municipal. Intres (Olga Abad) ofrecerá o obradoiro «As nosas historias». Esta actividade busca achegar aos nenos e nenas de 4 a 8 anos a narración oral galega máis antiga, así como fomentar a súa creatividade.

SOBER: Venres 6 Maio, 17,30 h., Biblioteca Municipal. Polo Correo do Vento ofrecerá a actividade titulada «O poeta do Miño, unha homenaxe a Manuel María». Un contacontos para reflexionar cos máis pequenos sobre a inspiración poética, centrada na figura de Manuel María, a través da oralidade e da ilustración. O contacontos rematará cun obradoiro de debuxo da caricatura de Manuel María.

CARBALLEDO: Mércores 11 Maio, 10,00 h., Biblioteca Municipal. Velaísca Proxectos Educativos desenvolverá a actividade «As letras na gaiola». Vai dirixido a nenas e nenos de 6 a 10 anos, e a colectivos de persoas con discapacidade intelectual ou psíquica. A actividade trata de sacar os libros do ámbito estrictamente escolar, para darlle á lectura un carácter máis lúdico, a través de minixogos en equipo. Recitar poemas de forma enxeñosa, activar a imaxinación reinventando un libro, ou responder cuestións sobre contos ou autores serán algunhas das probas.

CHANTADA: Sábado 14 MKaio, 12,00 h., Biblioteca Municipal. Larraitz desenvolverá a actividade «Babacontos con Manuel María«. Para nenos e nenas de 4 a 12 anos, esta actividade propón retomar poesìas e contos de varios libros de Manuel María, en versións cantadas ou, tamén, interpretadas pola actriz Larraitz Urruzola.

RIBAS DE SIL: Domingo 15 Maio, 13,00 h., Biblioteca Municipal. Manuel Solla ofrecerá a actividade «Conto contigo», para nenos e nenas de 4 a 11 anos, e que integra concursos, monicreques, contacontos, maxia, trabalinguas e cancións, cun planteamento dinámico e participativo.•

 

Deixa unha resposta

Your email address will not be published.

Nova Anterior

Quiroga terá de novo un campo de traballo internacional no verán

Seguinte Nova

Miguel Rodríguez Bugarín, premio “Monforte al Ferrocarril”

Últimas noticias sobre CULTURA

Maika Makovski

Unha das actuacións estelares do 17º Ribeira Sacra Festival Onte arrincou unha nova edición do 17º

A %d blogueros les gusta esto: