•A figura do prezado escolapio que desenvolveu a súa tarefa docente en Monforte durante 60 anos foi lembrada nunha homenaxe o día 23
O 23 de abril celebrouse a homenaxe ao Pai Esteban, co descubrimento dun busto da súa figura, custeado por suscrición popular co apoio do Concello de Monforte. O acto contou coa participación do bispo de Lugo, Alfonso Carrasco, que presidiu o oficio relixioso; o alcalde de Monforte, José Tomé; membros da familia do Pai Esteban Martínez; e os promotores desta iniciativa.
Despois da misa cantada pola Coral de Ponteareas e oficiada polo bispo de Lugo, tivo lugar a presentación dun libro con lembranzas sobre a figura do Pai Esteban. A homenaxe ao escolapio, fillo adoptivo de Monforte, foi seguida por numerosos veciños e veciñas da cidade do Cabe. Coincidindo coa inauguración do busto do Pai Esteban, tivo lugar o traslado das súas cinzas para descansar na cripta dos Escolapios, en cumprimento da súa vontade.
Cargando ...
