Ata o 10 de xuño está aberto o prazo para enviar traballos ao V Concurso de Carteis XIV Feira Tradicional Outrora 2016 de Rubián-Bóveda

Imaxe de arquivo da exposición organizada en Bóveda cos traballos presentados á pasada edición do Concurso de Carteis Feira Tradicional Outrora Rubián-Bóveda. Arquivo EC.
Imaxe de arquivo da exposición organizada en Bóveda cos traballos presentados á pasada edición do Concurso de Carteis Feira Tradicional Outrora Rubián-Bóveda. Arquivo EC.

 

• O Concello de Bóveda vén de publicar as bases da convocatoria do V Concurso de Carteis XIV Feira Tradicional Outrora 2016 de Rubián-Bóveda, na que se establece o 10 de xuño como data final para a entrega de traballos.
O tema dos deseños será a XIV Feira Tradicional Outrora de Rubián, e estarán ambientados nun mercado tradicional galego de finais do século XIX ata mediados do século XX. Os participantes poderán presentar ata 2 traballos, que deberán ser inéditos.
Os deseños deberán incluír un formato no que apareza a lenda “XIV Feira Tradicional “Outrora” Rubián-Bóveda 14 de Xullo de 2016”, con medidas totais de 42 x 59 cms, en disposición vertical, e con tipografía e técnica libres.
Os deseños poderán presentarse de dous xeitos. Por unha banda, poden entregarse en formato orixinal, sen firma e baixo lema ou seudónimo escrito na parte posterior do cartel, e acompañado dun sobre pechado dentro do que se incluirán todos os datos persoais e de contacto do autor. Os traballos así presentados entregaranse no Rexistro do Concello de Bóveda. Outro xeito é vía enderezo electrónico, a cultura@concellodeboveda.com. Deberán presentarse en formato jpg e pdf, a 300 ppp. Recoméndase cargar as fontes empregadas no cartel. No correo incluiranse datos persoais e de contacto, e o lema ou seudónimo do autor.
O premio para o cartel gañador é de 150 euros en metálico. O deseño será a imaxe oficial da feira.•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

A quiroguesa Rosa Arza, elixida presidenta de Novas Xeracións lucenses

Seguinte Nova

O Concello realiza traballos de asfaltado en rúas de Monforte

Últimas noticias sobre ASOCIACIONISMO

Chantada contra o cancro

A solidariedade e a conciencia social uníronse en Chantada nunha loita colectiva contra o cancro. No pasado mes de decembro, a directiva
Ir aInicio

Don't Miss