• A Asociación de Empresarios de Chantada- CCA Ribeira Sacra vén de iniciar a campaña promocional Pekechan, destinada aos nenos e nenas dos colexios de Chantada con idades comprendidas entre os 4 e os 10 anos.
DESTINADA AOS ESCOLARES DE 4 A 10 ANOS
Según explicaron na Asociación de Empresarios chantadinos, os responsables da iniciativa están a repartir polos colexios Eloísa Rivadulla e Xoán de Requeixo pasaportes para todos os nenos que poden participar na campaña.
Con este pasaporte, obterán un selo por cada compra de importe igual ou superior a 10 euros nos establecementos asociados ao CCA Ribeira Sacra. Para completar o pasaporte, débense rexistrar un total de 10 selos, obtidos en establecementos asociados diferentes.
PARA TALLERES DE MANUALIDADES
Unha vez cheo o pasaporte, haberá que entregalo na sede da Asociacion de Empresarios de Chantada-CCA Ribeira Sacra. Deste xeito, o neno ou nena titular do pasaporte terá dereito a acudir a obradoiros de manualidades no mes de xullo.
O prazo para entregar os pasaportes completados remata o 17 de xuño.•
Cargando ...
