• O día 18 comezaron os traballos de asfaltado de diversas rúas do municipio de Monforte. A brigada municipal de obras iniciou estas tarefas na contorna da urbanización das Acacias, para continuar os traballos polo Camiño Real, á altura do Infanta Elena, polos arredores do cemiterio, en Cobas e tamén en Juan Montes. Os traballos continúan en diversos puntos das parroquias monfortinas. Según explicou o alcalde de Monforte, José Tomé, “coa posta en marcha desta campaña de asfaltado, estamos dando cumprimento a un dos compromisos deste equipo de goberno para mellorar varias rúas”. Tomé destacou que estes traballos buscan “corrixir todos os desperfectos que as chuvias ocasionaron este pasado inverno sobre o firme das calzadas”.
MÁIS SEGURIDADE
O alcalde destacou que estes traballos van contribuír a “incrementar a seguridade á hora de circular con vehículos”, ao eliminar as fochancas do firme. Dende o Concello explicaron que o investimento destinado a esta campaña de mellora do asfaltado das rúas rolda ós 30.000 euros.•
