• O vindeiro xoves 16 de xuño, a partir das 21,00 horas, o Telecentro de Chantada vai acoller a charla “Como convertir unha idea en negocio”, a cargo de Alberto Ferreiro Barreiro, empresario e mentor. A charla, gratuíta e cunha duración aproximada dunha hora, está organizada pola Asociación de Empresarios de Chantada.
CLAVES PRÁTICAS
Na charla, Alberto Ferreiro amosará conceptos sinxelos e de fácil aplicación para poder implantar novos negocios. Este empresario e mentor leva desenvolvendo con éxito unha serie de sistemas para a xestión cotiá das empresas, axudando aos empresarios a sistematizar procesos nas súas empresas para mellorar a súa rentabilidade e eficiencia.•
