A selección de fútbol infantil da comarca de Sarria participa por terceiro ano consecutivo no Torneo Internacional de Guerledan

•A iniciativa conta coa colaboración da Área de Deportes da Vicepresidencia da Deputación •O torneo, que se desenvolve do 10 ao 12 de xuño, está integrado nas actividades da Irmandade Sarria-Guerledan

A selección infantil de fútbol da comarca de Sarria, xunto aos responsables do equipo e da organización da viaxe, acompañados do vicepresidente da Deputación de Lugo e responsable da Área de Deportes, Antonio Veiga. GPVDL
A selección infantil de fútbol da comarca de Sarria, xunto aos responsables do equipo e da organización da viaxe, acompañados do vicepresidente da Deputación de Lugo e responsable da Área de Deportes, Antonio Veiga. GPVDL

• Entre o 10 e o 12 de xuño, a selección infantil de fútbol da comarca de Sarria participará no XIV Torneo Internacional de Guerledan, en Bretaña.

VALORES DO DEPORTE: “COMPAÑEIRISMO, SOLIDARIEDADE E COLABORACIÓN”
A expedición dos 11 xoves deportistas, acompañados por dous adestradores e dous representantes da asociación Irmandade Sarria-Guerledan, organizadora da viaxe, partiron o 8 de xuño cara á localidade bretona, e antes da saída recibiron en Sarria a visita do vicepresidente da Deputación de Lugo e responsable da Área de Deportes, o nacionalista Antonio Veiga. O titular provincial, que estivo acompañado polo concelleiro de Deportes de Sarria, Efrén Castro, e a presidenta da Irmandade Sarria-Guerledan, Elvira Vila, transmitiulles aos deportistas os mellores desexos nesta experiencia. “O importante deste evento é, sen dúbida, desfrutar dunha marabillosa viaxe e das relacións que poden xurdir ao redor do mundo do deporte, como o compañeirismo a solidariedade ou a colaboración”, suliñou Antonio Veiga. O responsable de Deportes desexoulles aos rapaces “que o pasen moi ben, e a bo seguro que Sarria estará ben representada no terreo de xogo”.
A organización da viaxe, que supón a terceira participación da selección infantil sarriana no Torneo de Guerledan, contou coa colaboración da Área de Deportes da Deputación. O XIV Torneo Internacional de Fútbol de Guerledan reúne a 175 equipos de 4 continentes, na que será a edición máis concurrida da historia deste evento, con 496 equipos solicitantes. En Guerledan, estarán equipos de alto nivel, como o París Saint-Germai ou o Olympique de Marsella. Dado que Sarria está irmandada con Guerledan dende o ano 1998, a selección sarriana ten dereito a competir directamente no torneo, sendo o único representante español na proba, xunto ao Barcelona Naise.•

Deixa unha resposta

Your email address will not be published.

Nova Anterior

Ribas de Sil ensalza os produtos da terra na XIV Festa da Cereixa e do Aceite

Seguinte Nova

A UAD PUBLICA O BOLETÍN PARA PREVENCIÓN DO CONSUMO DE DROGAS NA XUVENTUDE

Últimas noticias sobre ASOCIACIONISMO

   
A %d blogueros les gusta esto: