Sarria celebra o San Xoán

• Do 23 ao 26 de xuño, Sarria celebra a festividade do San Xoán con diferentes actividades. Logo dos actos do xoves 23, a programación segue o venres 24 pola tarde, co comezo, ás seis, do Maratón de Fútbol Sala no pavillón José Mario González. Ás sete, o Malecón acollerá a actuación infantil “Don Gelatti”, a cargo de Dani García. Xa ás 21,30, o público adulto terá unha cita coa comedia na Praza da Vila, onde os televisivos Touriñán, David Amor e Javier Veiga ofrecerán o espectáculo “Recuncho da comedia”. Ás once, tomará o relevo Xabier Vizcaíno, neste espazo, para continuar coas actuacións de David Prado ás doce, e Los Árboles a partir da unha. Ao mesmo tempo, na rúa Diego Pazos haberá verbena coas orquestras Enigma e Alkar, dende as dez e media. Ás doce, será a sesión de fogos de artificio.
O sábado 25 abrirase coas competicións 3×3 de Baloncesto e VIII Campionato Internacional Vila de Sarria de fútbol de veteranos, dende as dez. Ás catro e media, comezará a Carreira do Slalom no campo da feira. Tamén haberá música, cun concerto do alumnado e docentes do conservatorio Cantiga de Sarria, no Malecón, á unha da tarde, así como un adianto do Festisar 2016 na sesión vermú, que traerá á Praza da Vila aos grupos locais R.A.S. e Leyendas Bohebrias. O Festisar continuará ás nove da noite, cos grupos Flying Bungaloos, Eladio y los Míticos, Tren de Rodaxe, e Raff, entre outros. Ás sete, o Malecón acollerá un espectáculo infantil. En Diego Pazos, actuará a orquestra Poceiro ás doce.
O domingo rematará o Maratón de fútbol sala, e entregarase o Trofeo de Fútbol San Xoán de Veteranos. Tamén ás seis, os Cabezudos e Peleriños baixarán dende o Cárcere ata o Malecón, onde ás sete haberá un espectáculo infantil. Ás dez, a Aula de Teatro municipal representará teatro clásico, na Praza da Vila. As orquestras Los Satélites e Royal pecharán as festas, na rúa Diego Pazos a partir das doce.•