• Entre os días 1 e 5 de agosto, celebrarase en Monforte unha nova edición do Campus de Fútbol Cidade de Monforte, que organiza o Concello en colaboración coa Fundación Celta de Vigo. Este campus, un dos que máis interese desperta, ano tras ano, na programación deportiva que propón o Concello para o verán, está dirixido a nenos e nenas entre 7 e 14 anos. O Campus desenvolverase nas instalacións do Campo Municipal Luis Bodegas, de 10 a 13 horas.
CONCILIACIÓN E DIVERSIÓN
Según explicou o alcalde, José Tomé, na presentación do Campus, esta actividade “é unha maneira de axudar ós pais a conciliar a vida familiar e laboral”. O alcalde lembrou tamén que “o Celta é un clube moi querido en Monforte e na comarca, por ese motivo os nenos viven con moita ilusión todo o que aprenden no Campus”.
O coordinador xeral das Escolas da Fundación Celta de Vigo, Diego Sarabia, explicou que o Campus vai ser unha mistura de multideporte, e os rapaces estarán asistidos polos adestradores do Celta.•
Cargando ...
