A «Ruleta da Sorte» repartiu premios en Sarria

• O primeiro de xullo, Sarria converteuse na primeira parada deste mes que está a facer a campaña «A Ruleta da Sorte» polas vilas da provincia de Lugo.
Esta iniciativa, promovida pola Federación do Comercio de Lugo, en colaboración coa Asociación de Comerciantes e Empresarios de Sarria (ACES), Abanca e a Xunta de Galicia, busca dinamizar o comercio de proximidade e incentivar o consumo.
Todos os clientes que realizaron algunha compra nos establecementos asociados a ACES-Sarria durante o 1 de xullo puideron xirar a ruleta, ubicada na confluencia do bulevar Calvo Sotelo con Vázquez Queipo. Os participantes optaron a moitos premios e agasallos, así como a tarxetas-regalo por valor de 50 euros, para volver mercar no comercio asociado.
A «Ruleta da Sorte» continúa o seu percorrido de premios por Lugo, con parada en Taboada o día 8, e en Vilalba o 15 deste mes.•