• No Centro Sociocultural de Bóveda pode verse estes días a mostra pictórica “Aprovechando las Sombras”, do monfortino Fran Rivas.
TÉCNICA MIXTA
A exposición deste creador autodidacta integra un total de 24 cadros de pequeno formato, realizados con técnica mixta de témpera, lapis, tinta sobre cartón, e lapis de cores.
PROCESO DE CREACIÓN
O proceso de traballo que emprega Rivas nas súas obras comeza co manchado do cartón coa témpera, para ir adiviñando as formas que xera e dándolles corpo mediante o trazo do lapis e da tinta, e rematar creando os fondos cos lapis de cores.
O monfortino Fran Rivas vén expoñendo a súa obra pictórica dende 2001, en diversos espazos de Santiago e Monforte de Lemos.•
Cargando ...
