•O Torneo 3×3 San Xoán, organizado polo CB Sarria, contou coa participación de 18 equipos de Lugo, Monforte e da vila xacobea
• Sarria volveu a poñer o deporte como protagonista das festas do San Xoán, nas que o baloncesto ocupa unha das citas máis importantes, organizada polo CB Sarria. O Torneo 3×3 San Xoán congregou, o sábado 25 de xuño, a un total de 18 equipos procedentes de Lugo e Monforte, así como da propia vila xacobea.
CONFRATERNIDADE E LECER EN TORNO Á PAELLA XIGANTE
A xornada baloncestística comezou en torno ás dez da mañá no pavillón Novo Chanto, cun descanso ao mediodía para disfrutar da paella xigante que, un ano máis, ofreceu o club de baloncesto sarrián. Neste xantar, os participantes poden disfrutar dun momento de descanso e lecer, repoñendo forzas nunha xuntanza de fraternidade.
OS LUCENSES CIRCUS SHOT, INVICTOS NO TORNEO 3X3 SAN XOÁN 2016
No aspecto deportivo, o equipo gañador do Torneo 3×3 San Xoán foi o Circus Shot, formación lucense integrada polos irmáns Erik e Sergi Quintela, Guillermo Pereiro e Charles Nkaloulou. Os lucenses arrasaron no torneo sarrián, gañando os oito partidos disputados, incluída a final, cun resultado de 21-11. O segundo posto correspondeu aos Barrigas Verdes, equipo integrado por Rubén Coco, Rubén Pernas, Alberto Ares e Pablo Villar, que só sufriron unha derrota en toda a xornada. O equipo Orejas y Manos logrou a terceira posición, grazas á boa actuación dos lucenses Seydou Aboubacar, Pedro Abuín, Javier Morandeira e Jacobo Melchor.
TRIUNFO LOCAL NA FINAL B
Na final B, o triunfo foi para os xogadores locais do equipo La Casa del Abuelo, formado por Juan Somoza, César López, Pedro García, e Diego Arias.
MÁIS PREMIOS
Na competición feminina, as gañadoras foron Las Supremas, equipo integrado polas sarrianas Lucía López, Alba Somoza, Clara López e Mara Mariño. Pola súa banda, o concurso de triples dirimiuse entre o local Iago Castro e o lucense Erik Quintela, que terminou gañador.•