• Ao longo da última semana de xuño, o Concello de Monforte desenvolveu diversos traballos de mantemento e rexeneración do campo municipal de fútbol de A Pinguela. Según explicaron dende o Consistorio, os traballos teñen como obxectivo adecuar o céspede para que estea nas mellores condicións de cara á vindeira tempada deportiva.
Os traballos requiriron dunha maquinaria específica, a cargo de persoal especializado da empresa adxudicataria. O importe desta actuación foi de algo máis de 7.000 euros.
Según explicaron os responsables municipais, a superficie de xogo do campo municipal de A Pinguela foi mellorada cun aireado do terreo, para osixenar a terra que sostén a capa de herba. A continuación, procedeuse ao escarificado, para limpar a superficie de restos vexetais acumulados durante a tempada, e que dificultan a penetración da auga e o abono ata as raíces do céspede. Os buratos que puideran quedar despois destas operacións foron cubertos cun recebado de area, e completouse a operación co resementado de herba e a aplicación do abono necesario para que medre no tempo preciso. •
Cargando ...
