O deputado socialista Vicente Docasar renuncia a ir nas listas para as autonómicas

•O deputado monfortino anunciou que se incorporará ao seu posto como profesor no IES Daviña Rey o vindeiro curso

O socialista Vicente Docasar, deputado no Parlamento de Galicia polo PSdeG-PSOE, en imaxe de arquivo dunha rolda de prensa do Grupo Parlamentario socialista. Arquivo EC..
O socialista Vicente Docasar, deputado no Parlamento de Galicia polo PSdeG-PSOE, en imaxe de arquivo dunha rolda de prensa do Grupo Parlamentario socialista. Arquivo EC.

• O deputado socialista no Parlamento de Galicia, Vicente Docasar, anunciou que non integrará as listas do PSdeG-PSOE ás vindeiras eleccións autonómicas, e volverá ao seu traballo como profesor catedrático no IES Daviña Rey de Monforte.
Docasar anunciou esta decisión a través dun comunicado, ao que titulou significativamente como “Volta ao cole”, en alusión á súa reincorporación ao posto docente no instituto monfortino no mes de setembro. Docasar fará efectiva esta decisión “ao día seguinte” da disolución do Parlamento.
No seu comunicado, Vicente Docasar amosou o seu “orgullo por representar á miña comarca, provincia e ao resto de Galicia” no Parlamento, polo que expresou “a miña enorme gratitude ás persoas que no seu día confiaron en min esta responsabilidade, José Ramón Gómez Besteiro, Pachi Vázquez e Carlos González Santín”.
Durante estes catro anos, Docasar foi portavoz de Educación do Grupo Parlamentario Socialista no Parlamento, e responsable desta área na Comisión Executiva Galega do PSdeG-PSOE.

MOTIVO DA RENUNCIA
Docasar lembrou “o traballo intenso e entusiasta” que desenvolveu estes 4 anos en prol dos 15 concellos do sur de Lugo, “aos que tratei de servir con absoluta lealdade e total independencia”, “nun traballo que me levou a percorrer máis de 130.000 quilómetros”. No comunicado, Docasar explica o motivo da súa renuncia. “Implícome ao 100% no que fago, con total dedicación, e non é posible seguir facendo algo así se non me sinto partícipe dos proxectos e das persoas que os encarnan”, precisou. O deputado socialista puntualizou que “sendo así, o máis honesto é dar un paso atrás na política e volver ao hábitat natural, que é o meu traballo docente no IES Daviña Rey”.•

Deixa unha resposta

Your email address will not be published.

Nova Anterior

O club Neka abre novos horizontes en competición

Seguinte Nova

Achega de 300.000 euros da Deputación para que os concellos adapten as sedes electrónicas á nova lei

Últimas noticias sobre INICIATIVAS

     
A %d blogueros les gusta esto: