• Un total de 78 pilotos déronse cita na 43ª Subida a Chantada, cunha afluencia que medra ano tras ano. “A Subida a Chantada é unha das probas deportivas punteiras na nosa provincia e referente a nivel autonómico”, comentou o deputado de Deportes, Pablo Rivera Capón, durante a presentación do stand promocional da gastronomía lucense que instalou a Deputación durante a proba. O organismo provincial colaborou co evento chantadino a través dunha achega económica de 7.000 euros e 40 cestas de produtos autóctonos.•
