•A I Night Trail Quiroga celebrarase o 30 de xullo a partir das 22 horas, con proba para categorías menores e tamén unha andaina
• Un novo circuíto de carreiras populares vaise estrear en Quiroga este mes. A I Night Trail Quiroga propón unha carreira e andaina para todas as idades en horario nocturno, que se celebrará o sábado 30 de xullo a partir das 22 horas.
TRAZADOS DA CARREIRA-ANDAINA ABSOLUTA
A saída terá lugar dende a Praza de España, ás 22 horas para as categorías menores, e ás 22,15 horas para a proba absoluta. O Haberá dous percorridos, de 8 quilómetros con 254 metros de desnivel, e outro de 16 quilómetros, este con 663 metros de desnivel. Están abertos a todos os públicos, e poden realizarse correndo ou ben andando. Ambos percorridos inclúen tramos urbanos e naturais, sempre evitando no posible o asfalto, para disfrutar da natureza en plena noite.
PERCORRIDOS DAS CATEGORÍAS MENORES
Os trazados para as categorías menores irán dende os 100 metros para os pitufos (nados en 2012 e posteriores) ata os 1.000 metros para os alevíns (nados en 2005 e 2006). Para participar nas probas de 8 e 16 quilómetros, será preciso ter cumplidos os 18 anos ou presentar autorización dos pais e nais.
MATERIAL OBRIGATORIO
Os participantes deberán levar, ademais do correspondente dorsal, un material obrigatorio, composto por frontal, luz vermella traseira, pilas de recambio, e teléfono móbil encendido e con batería suficiente. Os dorsais entregaranse o mesmo día da carreira, na Praza de España, pola mañá de 12 a 14 horas, e pola tarde dende as 19 ata as 21,45 horas. Haberá un posto de avituallamento líquido e sólido na metade da carreira e no punto de meta.
MEDALLAS E PREMIOS
En canto aos premios, ao tratarse dunha proba participativa e popular, todos os participantes das categorías menores recibirán unha medalla. Ademais, haberá en todas as categorías trofeos para os tres primeiros clasificados nas modalidades masculina e feminina. Así mesmo, haberá trofeo para o club máis numeroso, e para o participante máis veterano.
INSCRICIÓNS ATA O DÍA 27
Ata o día 27 pódense formalizar as inscricións para esta singular proba na web www.championchipnorte.com, ou no Concello de Quiroga en horario de mañá. Para consultar prezos e inscribirse, hai que entrar en www.championchipnorte.com.•
CARREIRA SOLIDARIA EN ESCAIRÓN
•O 6 de agosto, Escairón acollerá a carreira solidaria «#1,2,3 a Correr», a beneficio da Cruz Vermella.
A carreira partirá da Praza Maior de Escairón ás 10 horas para a categoría de adultos, e ás 11,30 horas as categorías infantís.
O trazado da proba absoluta inclúe un percorrido de 8 quilómetros. Ao tratarse dunha carreira solidaria, establécense unha cuota de 5 euros de inscrición para os adultos, dos que 3 euros destinaranse á Cruz Vermella. As inscricións infantís teñen un importe de 1 euro, donado polo Concello de O Saviñao. As inscricións deberán formalizarse a través da web www.123acorrer.es, onde se poderán ver todas as fotos da carreira.•