O Pleno da Deputación instará á Xunta a incluir a linguaxe de signos no ensino secundario obrigatorio

A finais de xullo, o Pleno da Deputación aprobou por unanimidade a moción presentada polo Grupo Socialista para instar á Xunta de Galicia e ao Goberno central a inclusión da Linguaxe de Signos na educación obrigatoria mediante a creación dun programa específico con dotación orzamentaria propia adicado a este fin e dirixido ao alumnado, docentes e familias. O voceiro do Goberno, Álvaro Santos, destacou que “dende o organismo provincial estamos traballando en iniciativas para a inclusión desta linguaxe no día a día dos veciños, mantendo subvencións para que diferentes asociacións poidan ter intérpretes para os seus usuarios”.•