O Concello ofrece wifi gratis nas piscinas municipais de Sober

• Dende finais do mes de xullo, os usuarios das piscinas municipais de Sober poderán disfrutar de wifi gratis. Para promover o seu uso, o alcalde de Sober anunciou a posta en marcha dun concurso de fotografía a través de Facebook.
As fotografías deberán facerse nas instalacións das propias piscinas, e subirse á rede da páxina oficial do Concello, https://www.facebook.com/concello.desober/, para o que será preciso empregar o hashtag @concello.desober/. Están permitidas todo tipo de imaxes agás aquelas nas que aparezan persoas sen traxe de baño, especialmente menores.
A fotografía gañadora será a que máis “Gústame” consiga no Facebook, e o seu autor conseguirá un bono familiar gratuíto para as instalacións en 2017. O alcalde animou a participar no concurso con fotos imaxinativas “para que se vexa que o verán en Sober é unha festa continua”.•