O verán despídese en Monforte cun broche de ouro musical. O Festival do Paradiso volverá a facer vibrar a cidade do Cabe o sábado 3 de setembro, a partir das 20,00 horas, no que fora o seu escenario de partida hai cinco anos, o Parque dos Condes. A quinta edición do Festival do Paradiso continúa ofrecendo unha estimulante mistura de bandas galegas e grupos locais, que nesta ocasión reúne a Costas, Los Árboles, Poetarras, Moon Cresta, Rebeliom do Inframundo, Cadela Asasina, e o dj Darius Weis, ademais de contar coa gran sorpresa do reencontro da monfortina banda de indie-rock Violet Magic Cloud, ao cumprirse 10 anos da saída do seu disco.
Ademais de música, o Festival conta coas infraestruturas necesarias para unha noite de festa, ofrecendo servizo de bar, así como unha pancetada gratis ás 20,00 horas.
