Aberto o prazo para solicitar as máis de 650 novas prazas gratuítas de Teleasistencia da Deputación

• O Goberno provincial aumentou o número de prazas dispoñibles deste servizo, e asume o total dos custes cunha partida de 300.000 euros

O presidente e o vicepresidente da Deputación visitaron en Lugo a unha usuaria do servizo de Teleasistencia para coñecer como funciona esta prestación, o pasado 5 de setembro. GPDL
O presidente e o vicepresidente da Deputación visitaron en Lugo a unha usuaria do servizo de Teleasistencia para coñecer como funciona esta prestación, o pasado 5 de setembro. GPDL
• Dende o 6 de setembro está aberto o prazo de solicitude das máis de 650 novas prazas gratuítas de Teleasistencia, cuxos costes está a asumir na súa totalidade a Deputación de Lugo, cunha partida de 300.000 euros. Na víspera da apertura deste prazo, o presidente do organismo provincial, Darío Campos Conde, acompañado polo vicepresidente, Álvaro Santos Ramos, visitou a unha veciña de Lugo de 80 anos, usuaria do servizo de Teleasistencia, e puideron comprobar o funcionamento desta prestación a través dun simulacro.
TELEASISTENCIA «MÁIS SOCIAL E MÁIS PROFESIONAL E HUMANA»
Campos Conde destacou a importancia de que este servizo sexa totalmente gratuíto para os usuarios, así como o feito de que vaia destinado a maiores e a persoas que teñan algún tipo de limitación na súa autonomía. «Estas son dúas importantes diferencias con respecto á Teleasistencia da Xunta, pois o Goberno galego obriga ao seu copago, e limita a prestación só a persoas catalogadas como dependentes, deixando fóra a moitas persoas que necesitan este servizo», suliñou o mandatario provincial.
Campos insistiu nas melloras que vén de introducir o Goberno provincial neste servizo. Por unha banda, inclúe por vez primeira baremos psicosociais e psicosanitarios, xa que ten en conta o grao de soidade do solicitante, a súa capacidade de toma de decisións, ou a súa situación familiar, entre outros aspectos. Por outra banda, serán agora os propios traballadores sociais os que valorarán a necesidade das prazas, tendo en conta a situación real dos demandantes ao estar en contacto con eles de primeira man. «Así, ofrecemos un servizo máis social, máis humano e máis profesional», insistiu o presidente.
En total, a Deputación está a ofrecer 1.550 prazas de Teleasistencia, e na actualidade son 895 os usuarios deste servizo. Os interesados nas novas prazas poden descargar o modelo de solicitude en www.deputacionlugo.gal, e obter máis información na web ou no teléfono 982 26 01 38.
O PP LEMBROU QUE FOI O GOBERNO DE CANDIA QUEN INTRODUCIU A GRATUIDADE
Logo das declaracións do presidente provincial, a deputada do Partido Popular Mari Teijeiro lembrou que «foi co PP cando se empezou a falar de novas altas e da necesidade dunha nova ordenanza para renovar o servizo”. Teijeiro apuntou que foi durante o Goberno de Elena Candia «cando se asumiu por primeira vez o custo total do servizo dende a Deputación».•

Deixa unha resposta

Your email address will not be published.

Nova Anterior

Recreación histórica no Museo do Ferrocarril

Seguinte Nova

Completadas as melloras no alumeado público en diversas zonas de Monforte

Últimas noticias sobre INICIATIVAS

A %d blogueros les gusta esto: