Iniciado o proceso de integración da Fundación TIC na Deputación

• A Deputación vén de iniciar en agosto os trámites para integrar a Fundación TIC no organismo provincial. O vicepresidente, Álvaro Santos, e o deputado de Goberno Interior, Miguel Ángel Sotuela, mantiveron a mediados do mes pasado un encontro cos traballadores da Fundación, para informarlles deste proceso.
TRANSPARENCIA
Santos explicou que esta decisión é “froito da política de transparencia iniciada pola Deputación coa disolución do Inludes e da Fundación Tor”. “Apostamos por uns servizos públicos xestionados directamente pola administración”, precisou.
Pola súa banda, Sotuela afirmou que coa integración da TIC na Deputación “eliminaranse duplicidades administrativas, optimizaranse recursos e reducirase o gasto corrente”.
ENTIDADE FINANCIADA TOTALMENTE POLA DEPUTACIÓN
O deputado de Goberno interior puntualizou que se vai manter a finalidade da TIC, que é “a promoción do uso das novas tecnoloxías na provincia, a cooperación cos Concellos e o apoio ao tecido asociativo”.
Ademais, Álvaro Santos destacou que, unha vez tomada a decisión política de integrar a Fundación TIC no organismo provincial, o procedemento continúa coa solicitude dos informes xurídicos e laborais “para establecer os pasos que hai que seguir para integrar esta entidade sen ánimo de lucro que está financiada na súa totalidade con fondos provinciais”.•

Deixa unha resposta

Your email address will not be published.

Nova Anterior

Sarria acollerá a terceira etapa da XV Volta Ciclista a Galicia

Seguinte Nova

A Deputación cede terreos á Fundación de Dano Cerebral para construír unha unidade de patoloxía dual

Últimas noticias sobre INICIATIVAS

   
A %d blogueros les gusta esto: