O alcalde de Monforte reuniuse cos veciños das Acacias

• O rexedor trasladoulles as melloras que vai realizar o Concello na contorna desta urbanización próxima ao Hospital

A reunión do alcalde de Monforte cos veciños da urbanización As Acacias tivo lugar o 7 de setembro. GPCM.
A reunión do alcalde de Monforte cos veciños da urbanización As Acacias tivo lugar o 7 de setembro. GPCM.

 

• O día 7 deste mes, o alcalde de Monforte, José Tomé, reuniuse cos veciños da urbanización As Acacias, situada preto do Hospital, para informarlles sobre as melloras que vai realizar o Concello. Entre outros temas, o rexedor local explicou o cambio de ubicación dos contenedores de lixo selectivo, que ten como obxectivo facilitar a entrada e saída dos vehículos estacionados a carón da rúa. Así mesmo, José Tomé adiantou que se van colocar novos bancos e papeleiras polo barrio.
MÁIS PRAZAS DE ESTACIONAMENTO
Outra das actuacións que o Concello de Monforte ten en carteira para esta zona é o asfaltado da parte frontal dos edificios da urbanización As Acacias. Tomé explicou que se vai destinar arredor de 9.000 euros para esta obra, que se realizará con aglomerado en quente, e que inclúe a sinalización horizontal. Ademais, o Concello aproveitará esta actuación para establecer unha reordenación dos espazos para o tráfico “que vai posibilitar ampliar o número de prazas de estacionamento”.
José Tomé salientou que estas medidas na contorna de As Acacias forman parte do plan de mellora dos barrios que está a desenvolver o Goberno local. O alcalde lembrou a recente instalación dunha nova rede de abastecemento de auga no barrio do Hospital, que resolveu as frecuentes averías e a falta de presión.•

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

O Goberno provincial deseña cos colectivos un plan de emprego para persoas con capacidades diferentes e en risco de exclusión

Seguinte Nova

Criterios sociais nas bases das axudas provinciais ás asociacións culturais

Últimas noticias sobre INFRAESTRUTURAS

Ir aInicio

Don't Miss