• Autoridades locais e autonómicas celebraron este feito co descubrimento dunha placa na contorna do Monte Faro, en Rodeiro, coa que se agradece a labor das diversas asociacións en prol do recoñecemento deste Camiño a Santiago
• Dende o 16 de agosto, o Camiño de Inverno xa é ruta oficial de peregrinación a Compostela. Nesta data, entrou en vigor a nova lei do Patrimonio Cultural de Galicia, que ten como obxectivo salvagardar os ben patrimoniais, e dar a máxima protección do patrimonio sobranceiro de Galicia, ao tempo que se facilitan e axilizan os trámites administrativos.
RECOÑECEMENTO AO TRABALLO DAS ASOCIACIÓNS
Así o explicou o conselleiro de Cultura, Román Rodríguez, no mesmo día da entrada en vigor de dita lei, e diante da placa que se descubriu na contorna do Monte Faro, en Rodeiro, en agradecemento ao traballo das asociacións en prol da oficialización do Camiño de Inverno. Rodríguez gabou o traballo e implicación das persoas, colectivos e entidades que fixeron posible este recoñecemento, “xa que axuda a que siga crecendo a historia do Camiño e do patrimonio cultural galego”.
Así o explicou o conselleiro de Cultura, Román Rodríguez, no mesmo día da entrada en vigor de dita lei, e diante da placa que se descubriu na contorna do Monte Faro, en Rodeiro, en agradecemento ao traballo das asociacións en prol da oficialización do Camiño de Inverno. Rodríguez gabou o traballo e implicación das persoas, colectivos e entidades que fixeron posible este recoñecemento, “xa que axuda a que siga crecendo a historia do Camiño e do patrimonio cultural galego”.
O DE INVERNO, O ÚNICO CAMIÑO A SANTIAGO QUE ATRAVESA AS CATRO PROVINCIAS GALEGAS
Ademais, o conselleiro destacou a “singularidade” do Camiño de Inverno fronte ao resto das rutas xacobeas, xa que é a única que atravesa as catro provincias galegas.
No descubrimento da placa en Rodeiro estivo presente a directora de Turismo de Galicia, Nava Castro, quen suliñou que coa oficialización do Camiño de Inverno aténdese unha vella reivindicación dos colectivos relacionados con estas rutas. Xunto ao de Inverno, o novo texto legal dá oficialidade tamén ao Camiño Portugués pola Costa.
O Camiño de Inverno a Santiago percorre preto de 210 quilómetros distribuídos en 7 etapas. A ruta atravesa vinte concellos galegos, partindo de Ponferrada ao carón do curso natural do río Sil. Un pormenorizado mapa deste percorrido pode verse na web www.caminodeinvierno.com, con textos e fotografías elaborados pola profesora Aida Menéndez, presidenta da Asociación Camiños a Santiago pola Ribeira Sacra.
Ademais, o conselleiro destacou a “singularidade” do Camiño de Inverno fronte ao resto das rutas xacobeas, xa que é a única que atravesa as catro provincias galegas.
No descubrimento da placa en Rodeiro estivo presente a directora de Turismo de Galicia, Nava Castro, quen suliñou que coa oficialización do Camiño de Inverno aténdese unha vella reivindicación dos colectivos relacionados con estas rutas. Xunto ao de Inverno, o novo texto legal dá oficialidade tamén ao Camiño Portugués pola Costa.
O Camiño de Inverno a Santiago percorre preto de 210 quilómetros distribuídos en 7 etapas. A ruta atravesa vinte concellos galegos, partindo de Ponferrada ao carón do curso natural do río Sil. Un pormenorizado mapa deste percorrido pode verse na web www.caminodeinvierno.com, con textos e fotografías elaborados pola profesora Aida Menéndez, presidenta da Asociación Camiños a Santiago pola Ribeira Sacra.
MONFORTE PODE SER “FUNDAMENTAL” NA NOVA RUTA
Precisamente, a labor deste colectivo foi destacada polo alcalde de Monforte, José Tomé, co gallo da oficialización do Camiño de Inverno. O rexedor monfortino destacou que “con este recoñecemento vese plasmado o traballo que fixo moita xente”, e que arrinca dende 20 anos atrás. “Houbo iniciativas e esforzos dende o propio Concello e de varias asociacións, particularmente da Asociación Camiños a Santiago pola Ribeira Sacra”, suliñou Tomé. O alcalde lembrou tamén as iniciativas que tamén se desenvolveron dende o Parlamento de Galicia, “co traballo realizado a través de diferentes deputados socialistas, como é o caso de Vicente Docasar ou Concepción Burgo”, e tamén do propio José Tomé durante a súa etapa como deputado autonómico. O alcalde reclamou ao Xacobeo que “faga actuacións” de promoción e dotación de servizos. Así mesmo, José Tomé precisou que “o Concello vai facer todo o posible para que Monforte desempeñe un papel fundamental no funcionamento desta ruta oficial”.•
Precisamente, a labor deste colectivo foi destacada polo alcalde de Monforte, José Tomé, co gallo da oficialización do Camiño de Inverno. O rexedor monfortino destacou que “con este recoñecemento vese plasmado o traballo que fixo moita xente”, e que arrinca dende 20 anos atrás. “Houbo iniciativas e esforzos dende o propio Concello e de varias asociacións, particularmente da Asociación Camiños a Santiago pola Ribeira Sacra”, suliñou Tomé. O alcalde lembrou tamén as iniciativas que tamén se desenvolveron dende o Parlamento de Galicia, “co traballo realizado a través de diferentes deputados socialistas, como é o caso de Vicente Docasar ou Concepción Burgo”, e tamén do propio José Tomé durante a súa etapa como deputado autonómico. O alcalde reclamou ao Xacobeo que “faga actuacións” de promoción e dotación de servizos. Así mesmo, José Tomé precisou que “o Concello vai facer todo o posible para que Monforte desempeñe un papel fundamental no funcionamento desta ruta oficial”.•
