Unha vintena de mozos e mozas participaron en Quiroga no campo de traballo internacional Castelo de Novaes

El pase de diapositivas requiere JavaScript.

• Do 1 ao 12 de agosto, unha vintena de mozos e mozas entre 18 e 30 anos déronse cita en Quiroga para participar no campo de traballo Castelo de Novaes. Esta iniciativa, organizada pola Dirección Xeral de Xuventude e Voluntariado en colaboración co Concello de Quiroga, ten como obxectivo desenvolver actuacións en espazos culturais e patrimoniais, para poñer en valor e divulgar a riqueza destes entornos. No campo de traballo de Quiroga participaron mozos e mozas de varios puntos de Galicia e España, e de países como Rusia, Taiwan, Alemaña e Francia.
Baixo a dirección do arqueólogo Iván Álvarez Merayo, os participantes coñeceron as características históricas e patrimoniais de Quiroga, e desenvolveron tarefas de acondicionamento da contorna do Castelo de Novaes. Así mesmo, os mozos e mozas disfrutaron de actividades de tempo libre, deporte e natureza.•