•Ata o 9 de outubro, o Círculo Saviñao de Escairón ofrece a posibilidade de achegarse á figura de Manuel María a través dunha exposición. Tres artistas amosan as súas creacións pictóricas e escultóricas inspiradas no poeta chairego homenaxeado este ano no Día das Letras Galegas. O pintor e periodista ourensán Miguel Martínez Coello, o pintor italiano afincado en Amandi Alejandro Ciurluini, e o escultor Cándido Caneiro presentaron as súas obras para esta homenaxe nun acto celebrado o pasado 11 de setembro. A exposición inclúe tamén obras pictóricas da artista turca Neslian Özgenc.
Durante a inauguración, os asistentes puideron disfrutar da lembranza dos versos de Manuel María a través da voz de Amelia do Val, que ofreceu un recital con creacións do poeta lucense. (Fotos cedidas).•
