• A Escola Municipal de Teatro de Sober ten aberto o prazo de inscrición para participar nas actividades programadas no curso que agora comeza. Ata o 30 de setembro, as persoas interesadas poden anotarse no Centro Sociocultural.
HORARIOS DE ACORDO COS PARTICIPANTES
Na primeira reunión dos grupos, que terá lugar o venres 7 de outubro no Centro, determinaranse cos participantes os horarios das clases. A reunión para infantil será ás cinco da tarde, e para adultos ás seis. As persoas que non poidan asistir a esta reunión de apertura poden contactar coa profesora por teléfono no 658 27 33 64.
Na primeira reunión dos grupos, que terá lugar o venres 7 de outubro no Centro, determinaranse cos participantes os horarios das clases. A reunión para infantil será ás cinco da tarde, e para adultos ás seis. As persoas que non poidan asistir a esta reunión de apertura poden contactar coa profesora por teléfono no 658 27 33 64.
«TER GAÑAS DE APRENDER E DE PASALO BEN»
As clases, totalmente gratuítas, impartiranse no Centro Sociocultural de Sober, baixo un enfoque lúdico e comunicativo. Esta actividade, destinada a maiores de 6 anos, non require ter experiencia previa nen coñecementos específicos para participar. «O único é que a xente teña ganas de aprender e de pasalo ben», precisa a directora da Escola Municipal de Teatro de Sober, Eva F. Ferreira.
No seu primeiro ano de actividade, a Escola Municipal de Teatro de Sober organizou con gran éxito unha actuación ao aire libre dos maiores acompañados pola Banda Municipal de Música, ademais dun musical galego-inglés dos máis cativos. «O obxectivo para este ano é seguir mantendo o listón ben alto e continuar coas colaboracións co resto de Escolas Municipais», suliñou Ferreira.
Segundo se vaian consolidando os grupos, que se organizarán por idades e número de inscritos, tratarase de realizar máis actividades en diferentes momentos do curso, e levar o teatro a outros puntos do municipio de Sober, «seguindo coa liña de achegar o teatro ao pobo», explicou Eva F. Ferreira.
Pola súa banda, o alcalde de Sober, Luis Fernández Guitián, lembrou que coa Escola Municipal de Teatro preténdese reforzar a oferta en formación, fomentando a sensibilidade artística e a afección polas artes escénicas entre toda a poboación. Guitián destacou a «enorme aceptación e público e participantes» dos actos da Escola o ano pasado, e salientou a oportunidade de «crear así unha canteira de actores e actrices».•
As clases, totalmente gratuítas, impartiranse no Centro Sociocultural de Sober, baixo un enfoque lúdico e comunicativo. Esta actividade, destinada a maiores de 6 anos, non require ter experiencia previa nen coñecementos específicos para participar. «O único é que a xente teña ganas de aprender e de pasalo ben», precisa a directora da Escola Municipal de Teatro de Sober, Eva F. Ferreira.
No seu primeiro ano de actividade, a Escola Municipal de Teatro de Sober organizou con gran éxito unha actuación ao aire libre dos maiores acompañados pola Banda Municipal de Música, ademais dun musical galego-inglés dos máis cativos. «O obxectivo para este ano é seguir mantendo o listón ben alto e continuar coas colaboracións co resto de Escolas Municipais», suliñou Ferreira.
Segundo se vaian consolidando os grupos, que se organizarán por idades e número de inscritos, tratarase de realizar máis actividades en diferentes momentos do curso, e levar o teatro a outros puntos do municipio de Sober, «seguindo coa liña de achegar o teatro ao pobo», explicou Eva F. Ferreira.
Pola súa banda, o alcalde de Sober, Luis Fernández Guitián, lembrou que coa Escola Municipal de Teatro preténdese reforzar a oferta en formación, fomentando a sensibilidade artística e a afección polas artes escénicas entre toda a poboación. Guitián destacou a «enorme aceptación e público e participantes» dos actos da Escola o ano pasado, e salientou a oportunidade de «crear así unha canteira de actores e actrices».•
