• A cidade do Cabe será a sede do curso multidisciplinar “Cervantes, O Quijote e o Conde de Lemos”, que reunirá a unha ducia de expertos
• Co gallo da celebración do 400 aniversario do falecemento de Miguel de Cervantes, Monforte vai acoller un encontro multidisciplinar para analizar a figura do noso escritor universal, nunha cidade vinculada ao seu proceso creativo. O curso titulado “Cervantes, O Quijote e o Conde de Lemos” busca afondar na historia literaria, artística e cultural da época que viviu Cervantes, anos que foron tamén os de máis esplendor do VII Conde de Lemos, mecenas do escritor e persoeiro ao que foi adicada a segunda parte do Quijote.
ENCONTRO MULTIDISCIPLINAR
O curso desenvolverase os días 28, 29 e 30 de setembro no Parador de Turismo de Monforte de Lemos, baixo a coordinación de José Montero Reguera, catedrático de Literatura Española e recoñecido experto na figura de Miguel de Cervantes. O curso conta coa participación dunha ducia de investigadores e estudiosos nas diversas disciplinas vinculadas á figura e á época de Cervantes e do VII Conde de Lemos, entre as que destaca a monfortina Manuela Sáez González, doutora en Historia da Arte.
Este evento forma parte da programación dos cursos de verán que imparte a Universidade de Vigo.
O curso desenvolverase os días 28, 29 e 30 de setembro no Parador de Turismo de Monforte de Lemos, baixo a coordinación de José Montero Reguera, catedrático de Literatura Española e recoñecido experto na figura de Miguel de Cervantes. O curso conta coa participación dunha ducia de investigadores e estudiosos nas diversas disciplinas vinculadas á figura e á época de Cervantes e do VII Conde de Lemos, entre as que destaca a monfortina Manuela Sáez González, doutora en Historia da Arte.
Este evento forma parte da programación dos cursos de verán que imparte a Universidade de Vigo.
EN TORNO Á CREACIÓN LITERARIA
A conferencia de apertura do curso “Cervantes, O Quijote e o Conde de Lemos” terá lugar o mércores 28 de setembro ás dez da mañá, a cargo do catedrático de Literatura Española da Universidade de Santiago de Compostela Luis Iglesias Feijóo, que disertará sobre “Cervantes, Don Quijote y la novela moderna”.
A continuación, intervirá Fernando Romo Feito, profesor titular de Teoría da Literatura na Universidade de Vigo, e titulada “Las Novelas Ejemplares: laboratorio de Cervantes”. A última intervención da mañá corresponderá a Encarnación Sánchez García, catedrática de Literatura Española na Universitá L’Orientale de Nápoles, que falará sobre as dedicatorias literarias ao VII Conde de Lemos. Xa pola tarde, o profesor Montero Reguera abrirá o ciclo de dúas intervencións sobre “Cervantes ante la poesía”, que estará completado coa charla de Gabriela Rivera Rodríguez, da Universidade de Vigo.
Os restantes días estarán centrados nas artes durante a época de Cervantes. Mª José Martínez López, profesora titular de Literatura Española na Universidade da Coruña, falará sobre “Cervantes y el arte del entremés”, para continuar coa intervención de Manuela Sáez González, que leva por título “El mercado del arte en el primer tercio del siglo XVII: coleccionismo y almoneda del VII Conde de Lemos”. Pola súa banda, o profesor de Historia Moderna da Complutense de Madrid, Santiago Martínez Hernández, falará sobre “La corte de Felipe III: ceremonial, fasto y valimiento en tiempos de Cervantes”. A tarde estará centrada na charla de Juan Matas Caballero, catedrático de Literatura Española na Universidade de León, baixo o título “Poetas y poesía en torno a Lemos”.
O venres 30 comezará coas intervencións de Attilio Antonelli, funcionario do Ministerio de Bens Culturais de Italia, e de Juan Cruz Yabar, conservador do Museo Arqueolóxico Nacional, que falarán sobre o virreinato de Nápoles e as artes. A conferencia de clausura estará a cargo de José Manuel Lucía Megías, catedrático de Filoloxía Románica na Complutense, que falará sobre Cervantes diante da súa obra.•
A conferencia de apertura do curso “Cervantes, O Quijote e o Conde de Lemos” terá lugar o mércores 28 de setembro ás dez da mañá, a cargo do catedrático de Literatura Española da Universidade de Santiago de Compostela Luis Iglesias Feijóo, que disertará sobre “Cervantes, Don Quijote y la novela moderna”.
A continuación, intervirá Fernando Romo Feito, profesor titular de Teoría da Literatura na Universidade de Vigo, e titulada “Las Novelas Ejemplares: laboratorio de Cervantes”. A última intervención da mañá corresponderá a Encarnación Sánchez García, catedrática de Literatura Española na Universitá L’Orientale de Nápoles, que falará sobre as dedicatorias literarias ao VII Conde de Lemos. Xa pola tarde, o profesor Montero Reguera abrirá o ciclo de dúas intervencións sobre “Cervantes ante la poesía”, que estará completado coa charla de Gabriela Rivera Rodríguez, da Universidade de Vigo.
Os restantes días estarán centrados nas artes durante a época de Cervantes. Mª José Martínez López, profesora titular de Literatura Española na Universidade da Coruña, falará sobre “Cervantes y el arte del entremés”, para continuar coa intervención de Manuela Sáez González, que leva por título “El mercado del arte en el primer tercio del siglo XVII: coleccionismo y almoneda del VII Conde de Lemos”. Pola súa banda, o profesor de Historia Moderna da Complutense de Madrid, Santiago Martínez Hernández, falará sobre “La corte de Felipe III: ceremonial, fasto y valimiento en tiempos de Cervantes”. A tarde estará centrada na charla de Juan Matas Caballero, catedrático de Literatura Española na Universidade de León, baixo o título “Poetas y poesía en torno a Lemos”.
O venres 30 comezará coas intervencións de Attilio Antonelli, funcionario do Ministerio de Bens Culturais de Italia, e de Juan Cruz Yabar, conservador do Museo Arqueolóxico Nacional, que falarán sobre o virreinato de Nápoles e as artes. A conferencia de clausura estará a cargo de José Manuel Lucía Megías, catedrático de Filoloxía Románica na Complutense, que falará sobre Cervantes diante da súa obra.•
