Concienciación para o uso da biomasa no consumo doméstico

• “Biomasa na túa casa” amosou en Monforte as vantaxes da biomasa como fonte de enerxía fronte aos combustibles fósiles

A exposición, instalada a segunda semana de setembro na explanada da Compañía, foi visitada polo alcalde de Monforte, José Tomé; o conselleiro de Economía, Emprego e Industria, Francisco Conde; e a portavoz do PP no Concello de Monforte, Julia Rodríguez. GPXG
A exposición, instalada a segunda semana de setembro na explanada da Compañía, foi visitada polo alcalde de Monforte, José Tomé; o conselleiro de Economía, Emprego e Industria, Francisco Conde; e a portavoz do PP no Concello de Monforte, Julia Rodríguez. GPXG
• A exposición itinerante “Biomasa na túa casa” fixo parada en Monforte de Lemos na primeira semana de setembro. A mostra, organizada pola Asociación Española de Valorización Energética de la Biomasa (Avebiom) e o Instituto para la Diversificación y Ahorro de la Energía (IDAE) coa colaboración do Instituto Enerxético de Galicia (Inega), está a percorrer as catro provincias galegas, co obxectivo de concienciar á cidadanía das vantaxes que supón empregar a biomasa como fonte de enerxía en empresas e fogares como alternativa aos combustibles fósiles.
IMPULSO AO SECTOR PRIMARIO
A mostra contou coa visita do conselleiro de Economía, Emprego e Industria, Francisco Conde, quen lembrou que a biomasa ocupa a primeira posición en canto a fontes de orixe autóctona en Galicia, por diante do vento e da auga. Conde gabou a iniciativa desta exposición, por axudar a impulsar o desenvolvemento das áreas rurais e do sector primario.•

• Ata o 9 de outubro está aberto o prazo das axudas para instalacións de biomasa en administracións e empresas

• A Xunta, a través do Inega, vén de publicar a convocatoria de axudas para fomentar novos proxectos de impulso da biomasa entre as administracións públicas e as empresas. O Executivo galego destina máis de 9,5 millóns de euros a esta partida, nunha iniciativa pioneira que servirá para fomentar o uso de enerxías limpias mediante a instalación de redes de subministración de enerxía térmica xerada con biomasa. A convocatoria está cofinanciada con fondos europeos FEDER.
No caso das administracións, a contía das axudas será dun máximo do 75% do custe, e para as empresas será do 50%, cun máximo dun millón de euros por proxecto.•

Deixa unha resposta

Your email address will not be published.

Nova Anterior

Novos murais seguen a encher de cor a Ribeira Sacra

Seguinte Nova

Empresarios lucenses buscan levar a Cuba os seus produtos

Últimas noticias sobre ECONOMÍA

A %d blogueros les gusta esto: