O 18 de setembro, tivo lugar en Pantón o I Triatlón da Ribeira Sacra de Pantón, con preto dunha cincuentena de participantes nas diversas categorías. A proba, que incluiu nado, ciclismo e carreira, tivo como gañadores absolutos a Iria di John, do clube Tri-Penta Terras de Lugo, e Jaime González, do Cidade de Lugo Fluvial.
Pola súa banda, o verán foi tempo de deportes en Pantón, coa terceira edición da Travesía en Kayak, celebrada a comezos de agosto. Dada a gran demanda de solicitudes, foi preciso habilitar unha segunda xornada para dar cabida ao gran número de participantes que quixeron disfrutar dunha xornada de deporte acuático na natureza.
A vindeira cita coa paisaxe e o deporte será este outono, coa Gran Travesía Ribeira Sacra, organizada por Rutea en colaboración, entre outros, co Consorcio de Turismo Ribeira Sacra e o Concello de Pantón. A primeira etapa deste percorrido sendeirista celebrarase o sábado 24 de setembro, cun trazado de 18 quilómetros entre Belesar e Maiorga, con dificultade media-alta. A saída será no Pobo de Belesar ás 10,00 horas, e alí deixaranse os coches. Ao chegar a Maiorga, un autobús recollerá aos sendeiristas para regresar a Belesar. Aínda que o prazo para anotarse na primeira etapa rematou o día 21, haberá máis oportunidades. A segunda etapa está fixada para o domingo 9 de outubro, cun trazado de 25 quilómetros dende Maiorga ata os Peares. A Gran Travesía inclúe un total de 6 etapas, que se desenvolverán ata comezos de decembro.•
Últimas noticias sobre ASOCIACIONISMO
Representantes da Asociación de Veciños de Parteme, aldea da parroquia de Nocedo, mantiveron un encontro coa
Gonzalo L. Torres. Moito falamos do Feismo urbanístico en Galicia, e seguro que moitos de nós
O pasado 19 de xullo, os representantes da Asociación Veciñal do Saviñao entregaron no Concello un
• Fixeron traballos de limpeza do acceso do camiño que leva á fonte publica, ante o
• Redacción- MONFORTE. a Asociación Monfortina de Amigos do Ferrocarril (AMAFER), no 25 aniversario da súa