Novos prazos para matricularse no Campus de Lugo coas becas da Deputación

•Dous alumnos becados o curso pasado destacaron as vantaxes destas axudas para poder acceder á universidade e custear gastos de material

O presidente da Deputación, o vicerreitor da USC no Campus de Lugo, e a alcaldesa de Lugo, presentaron os novos prazos de matrícula do Campus de Lugo acompañados por dous becarios da Deputación do ano pasado, e un dos estudantes que terá a beca provincial este curso. GPDL
O presidente da Deputación, o vicerreitor da USC no Campus de Lugo, e a alcaldesa de Lugo, presentaron os novos prazos de matrícula do Campus de Lugo acompañados por dous becarios da Deputación do ano pasado, e un dos estudantes que terá a beca provincial este curso. GPDL
•Logo de completarse as probas de selectividade de setembro, volve a activarse a campaña “Para estudar, Lugo”, ofrecendo novos prazos de matrícula no Campus de Lugo e de solicitude simultánea das becas da Deputación. Así o explicaron o presidente provincial, Darío Campos; o vicerreitor da USC en Lugo, Javier Bueno; e a alcaldesa de Lugo, Lara Méndez, en rolda de prensa, acompañados por tres estudiantes beneficiados coas becas da Deputación para a primeira matrícula.
GRAZAS A ESTAS BECAS, O CAMPUS DE LUGO OFRECE “AS TAXAS MÁIS BARATAS DO PANORAMA UNIVERSITARIO ESPAÑOL”
Estas becas da Deputación de Lugo supoñen un desconto do 50% na primeira matrícula nun total de 10 titulacións do Campus lucense. Segundo explicou o vicerreitor do Campus de Lugo, este plan de axudas permite ofrecer “as taxas de matrícula máis baratas de todo o panorama universitario español”. Ademais, Javier Bueno destacou que a sede universitaria de Lugo “é garantía de máxima calidade académica e científica”. As becas que ofrece a Deputación solicítanse de xeito inmediato ao mesmo tempo que se fai a solicitude de praza nalgunha das 10 titulacións incluídas.
PRAZOS PARA RESERVA DE PRAZA EN SETEMBRO E OUTUBRO CON SOLICITUDE DE BECAS, E LISTAXE DOS GRAOS CORRESPONDENTES
Os tres últimos prazos de matrícula na Universidade de Santiago-Campus de Lugo son do 21 ao 23 de setembro, do 11 ao 14 de outubro, e do 19 ao 21 de outubro.
Os graos nos que se pode solicitar a beca da Deputación corresponden a Enxeñaría de Procesos Químicos Industriais; Enxeñaría Civil; Enxeñaría en Xeomática e Topografía; Lingua e Literatura Españolas; Ciencias da Cultura e Difusión cultural; Relacións Laborais e Recursos Humanos; Xestión de Pequenas e Medianas Empresas; e Administración e Dirección de Empresas. A listaxe inclúe tamén o dobre grao de Enxeñaría Forestal e do Medio Natural, pero xa ten todas as prazas cubertas.
MEDRA O NÚMERO DE ESTUDANTES NO CAMPUS DE LUGO, E TAMÉN A CIFRA DE REUNIÓNS CIENTÍFICAS NESTA SEDE
A campaña “Para estudar, Lugo” forma parte do Plan de Impulso do Campus lucense, que a Deputación de Lugo e a Universidade de Santiago de Compostela puxeron en marcha en 2013 para promocionar este centro académico, e a Lugo como cidade universitaria. Segundo explicaron os responsables do Plan, a iniciativa está a dar os seus primeiros froitos, xa que no curso pasado aumentou nun 10% o número de matriculados no total do Campus de Lugo, e en preto dun 20% as matrículas nos graos que aplican os descontos ofrecidos pola Deputación.
Como cidade universitaria, Lugo está a atraer un número crecente de cursos de verán da propia Universidade de Santiago, ao tempo que o Campus lucense segue a sumar encontros, congresos e reunións científicas.
TESTEMUÑAS DE ALUMNOS BECADOS
A experiencia dos alumnos becados o ano pasado quedou tamén reflexada na presentación da campaña “Para estudar, Lugo”. A ourensá Laura Fariña Rodríguez e o lucense Mario Gómez Novo van iniciar o segundo curso de Enxeñería Forestal e do Medio Natural, logo de serlles concedidas as becas da Deputación no curso pasado. Ambos estudantes coincidiron en sinalar as vantaxes destas becas, que facilitan ás familias o acceso dos seus fillos aos estudos universitarios, ou a compra de diverso material para o desenvolvemento da aprendizaxe. Un dos que se beneficiará das becas da Deputación este ano é Iago Gallo, presente entre o público que asistiu ao acto, e que iniciará primeiro de Enxeñería Forestal e do Medio Natural logo de conseguir en xullo o desconto do 50% no custe da matrícula.•

Deixa unha resposta

Your email address will not be published.

Nova Anterior

O monfortino Dani de la Torre será homenaxeado na gala final da 38ª Semana de Cine de Autor de Lugo

Seguinte Nova

24 emprendedores participan nas actividades do Espazo Coworking de Monforte

Últimas noticias sobre CULTURA

     
A %d blogueros les gusta esto: