Máis equipamentos no Novo Chanto para a prática do baloncesto

•A colaboración entre o CB Sarria e a Concellería de Deportes posibilitou a colocación de 4 canastas laterais

O presidente do CB Sarria, Francisco Alfonso García Conde, e o concelleiro de Deportes de Sarria, Efrén Castro Caloto, logo da instalación das novas canastas laterais no Novo Pavillón do Chanto. (Foto cedida).
O presidente do CB Sarria, Francisco Alfonso García Conde, e o concelleiro de Deportes de Sarria, Efrén Castro Caloto, logo da instalación das novas canastas laterais no Novo Pavillón do Chanto. (Foto cedida).

• Sarria xa conta con novos equipamentos para mellorar a prática deportiva, sobre todo en baloncesto . Dende finais de setembro, o Novo Pavillón do Chanto conta con catro canastas laterais, situadas ao ancho da pista, que teñen como finalidade permitir o aproveitamento simultáneo do pavillón por dous equipos distintos, que poderán adestrar sen interferencias.
12 EQUIPOS EN 6 CATEGORÍAS
Dende o CB Sarria destacaron a importancia desta novas prestacións, xa que o club sarriao conta con 12 equipos masculinos e femininos que compiten en seis categorías, e que precisan optimizar os recursos das instalacións deportivas para poder adestrar en condicións.
A instalación destas canastas foi posible pola colaboración entre o CB Sarria, e a Concellería de Deportes do Concello de Sarria. •

CHARLA FORMATIVA DE PRIMEIROS AUXILIOS, PARA FAMILIAS E XOGADORES
• O sábado 15 de outubro, o Club Baloncesto Sarria organiza unha charla formativa, totalmente gratuíta, sobre primeiros auxilios. Logo da edición destinada a adestradores, desta volta a sesión está aberta a pais, nais e xogadores. Será impartida polo doctor Ramón Muñoz, no Novo Pavillón do Chanto, ás 17 horas.•

Deixa unha resposta

Your email address will not be published.

Nova Anterior

Nova tempada nas Escolas Deportivas de Quiroga

Seguinte Nova

Máis de 1.300 persoas de 82 asociacións participarán no programa gratuíto Movémonos

Últimas noticias sobre ASOCIACIONISMO

A %d blogueros les gusta esto: