Abre o ximnasio municipal de Sober e arranca a ximnasia para maiores

• A segunda semana de outubro, entrou en funcionamento o ximnasio municipal de Sober. A instalación está aberta os martes e xoves de 17,30 a 20,30 horas, aínda que está previsto ampliar este horario en novembro. O alcalde de Sober, Luis Fernández Guitián, lembrou que o ximnasio municipal conta cunha sala de usos múltiples, e outra específica dotada con bancos de musculación, bicicletas estáticas e elípticas, e cintas de correr, entre outras. O acceso ás instalacións é gratuíto.
XIMNASIA PARA MAIORES NA CAPITALIDADE E NAS PARROQUIAS
Tamén en outubro comezou a actividade gratuíta de ximnasia de mantemento para maiores, que se desenvolve no ximnasio municipal na capitalidade, e tamén nos locais sociais das parroquias. O alcalde lembrou que esta actividade, ademais de promover o benestar físico, “tamén axuda a que os usuarios se sintan activos, e funciona de punto de encontro e de relacións sociais”.
As inscricións poden realizar no Centro Sociocultural.•

Deixa unha resposta

Your email address will not be published.

Nova Anterior

Aberto o prazo das becas de transporte universitario

Seguinte Nova

Máis melloras no alumeado público das parroquias de Sober

Últimas noticias sobre DEPORTES

A %d blogueros les gusta esto: