Nova cita en competición galega para 26 deportistas do Neka

Foto de familia dun grupo de deportistas do club Neka no circuíto de competición do pasado curso.  Arquivo EC
Foto de familia dun grupo de deportistas do club Neka no circuíto de competición do pasado curso. Arquivo EC

• Conta atrás para a vindeira cita en competición dos deportistas do club Neka. O Torneo Cidade de Pontevedra, que se celebrará o 29 e 30 de outubro, contará coa presenza de 26 deportistas do clube monfortino. O Neka afronta esta cita cunha baixa importante, a de Pedro Luis Pérez, por enfermidade. “É unha pena, porque vai de primeiro no ranking da liga galega de combate”, lamenta o seu adestrador, José Mª Vega. A baixa de Pérez alterou as previsións do Neka, xa que o deportista viña de gañar o ouro na última proba disputada en Ribeira hai uns días, “e estaba nun momento estupendo de forma e de rendemento”.
Os resultados tampouco acompañaron aos monfortinos no campionato de España junior de combate. Junior Martínez, actual campión galego, perdeu en cuartos cun resultado “axustadísimo”, cando optaba a plantarse nun mundial. “Hai que seguir traballando, e Junior está moi motivado para continuar con forza”, explica Vega.
A cita de Pontevedra servirá aos de Neka para ir quentando motores de cara ao Campionato de España por clubes, que terá lugar no mes de decembro.•

Deixa unha resposta

Your email address will not be published.

Nova Anterior

Máis de 200 persoas participarán en Sarria no VI Torneo Máster de Futbolín

Seguinte Nova

Axuda provincial de 85.000 euros para que os 7 clubes lucenses xestionen directamente a escola de piragüismo

Últimas noticias sobre ASOCIACIONISMO

     
A %d blogueros les gusta esto: