Novas actuacións do Concello de Sober para mellorar os núcleos rurais

•O Concello de Sober completa a instalación de cinco novas áreas de ocio en parroquias

•As obras supuxeron un investimento de 40.000 euros, e contaron cunha subvención da Xunta •Os novos parques están situados en Sistín do Mato, A Carreira, Campo de Anllo, Campo de Bulso e A Airexa de Gundivós

El pase de diapositivas requiere JavaScript.

• Sober conta con cinco novos espazos de ocio e lecer no rural. O Concello vén de investir un total de 40.000 euros nestas actuacións, cunha subvención da Xunta de Galicia a través do Fondo de Compensación Ambiental.
LOCALIZACIÓN DOS NOVOS ESPAZOS DE OCIO
As actuacións culminaron a mediados deste mes coa instalación dun parque infantil e unha área biosaudable no lugar de Sistín do Mato, así como en A Airexa de Gundivós. Pola súa banda, habilitouse unha área saudable no Campo de Bulso e en A Carreira, e tamén se dispuxo un parque infantil no Campo de Anllo.
MELLORAR A CALIDADE DE VIDA DOS VECIÑOS DAS PARROQUIAS
O alcalde de Sober, Luis Fernández Guitián, explicou que o Goberno local ten previstas novas construcións de similares características noutras parroquias e lugares do municipio. Fernández Guitián suliñou que o obxectivo destas actuacións é “axudar a mellorar a calidade de vida dos nosos veciños e veciñas”.
DEPORTE DE BALDE E VIDA SAUDABLE AO AIRE LIBRE
Así mesmo, Fernández Guitián animou a todos os soberinos, “tanto nenos como maiores”, a usar estas novas instalacións “para facer deporte, que é tan beneficioso para a saúde, dun xeito gratuíto e ao aire libre”.•

 

Deixa unha resposta

Your email address will not be published.

Nova Anterior

Máis melloras no alumeado público das parroquias de Sober

Seguinte Nova

Outono activo na natureza co programa “A caída da folla na Ribeira Sacra

Últimas noticias sobre DEPORTES

   
A %d blogueros les gusta esto: